我們的第一次
傻的嗎？鬼鬼食日本菜揸筷子都好影嗎？係。
我必須要影。因為這是意佬的第一次揸筷子。
喺我哋相識之前，我從來冇諗過需要教大人揸筷子，佢從來沒有諗過需要用筷子食飯。
兩個人走在一起，需要和被需要，就如新月同弦月一樣，要互影成對，就可見到圓月。
未做人阿媽，不過我諗自己都會同大眾阿媽一樣，將自己心肝掟長大的每一天紀錄下來，然後有「叉燒包第一次叫媽媽」,「叉燒包第一次走路了」,「叉燒包第一次返學」...系列相簿。
有朝一日包包們都長大了，佢哋都忙著如何為佢哋嘅叉燒包慶祝第一次。到時候只係得返我同你，我仍然需要你幫我染黑返啲頭髮，你仍然需要我幫你執返枱上食跌咗嘅飯。
期待你會第一次企喺教堂入面等我
期待你會第一次抱起我哋嘅心肝掟
期待你會第一次拖住我手白頭到老
#我們的第一次
#第一次揸筷子
#第一次到最後一次
#italiansushi
Search